5 मित्रांची गोष्ट सांगणारा ‘मुसाफिरा’ चित्रपट

प्रेम, आपुलकी अन् भांडणं

मागील काही दिवसांपासून ‘मुसाफिरा’ या चित्रपटाची चर्चा सुरु आहे. या चित्रपटाचा ट्रेलर आता प्रदर्शित करण्यात आला आहे. या चित्रपटात पुष्कर जोग, पूजा सावंत, स्मृती सिन्हा, दिशा परदेशी आणि पुष्कराज यांच्या महत्त्वाच्या भूमिका आहेत. स्कॉटिश हायलँड्सच्या आयल ऑफ स्कायवर चित्रित झालेला हा भारतातील पहिला चित्रपट ठरला आहे.

पुष्कर जोग याच्याकडून दिग्दर्शित ‘मुसाफिरा’ या चित्रपटाच ट्रेलर प्रेक्षकांच्या भेटीला आला आहे. रियुनियनच्या निमित्ताने भेटलेले हे पाचही मित्र एका अनोख्या दुनियेची सफर करत असल्याचे ट्रेलरमध्ये दिसून येते. आयुष्यात आलेले, येणारे चढउतारांना सामोरे जात कुठेतरी स्वत:साठी जगताना ते ट्रेलरमध्ये दिसून येतात. मैत्री म्हटलं की प्रेम, जिव्हाळा, आपुलकी, भांडण या सगळ्या गोष्टी येतात. या सफरीचा मनसोक्त आनंद लुटताना हे पाचही मित्र धमाल करणार आहेत. हा प्रवास त्यांना कुठे घेऊन जाणार हे पाहण्यासाठी प्रेक्षकांना 2 फेब्रुवारीपर्यंत वाट पहावी लागणार आहे.

मुसाफिराच्या माध्यमातून प्रेक्षकांसाठी काहीतरी दर्जेदार करायचे होते. लॉकडाउनच्या काळात सुचलेली कथा चित्रपटात मांडण्याचा माझा प्रयत्न होता. मैत्रीची नवी परिभाषा या निमित्ताने अनुभवयाला मिळणार आहे. आयुष्यात मैत्री किती महत्त्वाची हे देखील मुसाफिराच्या माध्यमातून अधोरेखित करण्यात आले असल्याचे पुष्कर जोगने म्हटले आहे.