रेल्वे संघाकडे मुरुगप्पा सुवर्ण चषक

वृत्तसंस्था / चेन्नई

येथे झालेल्या 95 व्या अखिल भारतीय एमसीसी मुरुगप्पा सुवर्ण चषक हॉकी स्पर्धेचे अजिंक्यपद विद्यमान विजेत्या रेल्वे संघाने पटकाविले. अंतिम सामन्यात रेल्वेने आयओसीचा 5-3 अशा गोलफरकाने पराभव केला.

रेल्वे संघातर्फे गुरुसाहीबजित सिंगने सातव्या मिनिटाला आपल्या संघाचे खाते उघडले. त्याने हा गोल पेनल्टी कॉर्नरवर केला. नवव्या मिनिटाला सिमरनज्योत सिंगने रेल्वेचादुसरा गोल नोंदविला. रेल्वे संघातील युवराज वाल्मिकीने 18 व्या आणि 58 व्या मिनिटाला असे दोन गोल केले. रेल्वेचा पाचवा गोल मुकुल शर्माने केला. आयओसीतर्फे 29 व्या मिनिटाला गुरुजिंदर सिंगने पेनल्टी कॉर्नरवर तर राजबीर सिंगने 58 व्या मिनीटाला गोल नोंदविले.