Sangli Crime : सांगलीत मुख्य अग्निशमन अधिकाऱ्यावर खुनी हल्ला ; दोघांना अटक

              अग्निशमन अधिकारी सुनील माळी हल्ला प्रकरणी दोघे आरोपी जेरबंद

सांगली : महापालिकेचे मुख्य अग्निशमन अधिकारी सुनील कृष्णा माळी यांच्यावर झालेल्या खुनी हल्लाप्रकरणी संशयित प्रथमेश सुरेश पाटोळे (वय २३, रा. दत्तनगर, बामणोली) व तोहीद ऊर्फ हुसेन फारूख सुतार (वय १९, रा. हांडे गल्ली, दत्तनगर, बामणोली) या दोघांना सांगली शहर पोलिसांनी अटक केली. आणखी दोघे पसार असून त्यांचा शोध सुरू आहे. पोलिसांच्या प्राथमिक तपासात सुपारी देऊन हा खुनी हल्ला केल्याची शक्यता वर्तवली जात आहे. परंतू नेमक्या कोणत्या कारणातून सुपारी दिली असावी याचा शोध सुरू आहे.

प्रथमेश पाटोळे रेकॉर्डवरील गुन्हेगारशहर पोलिसांनी कलानगर येथील सीसीटीव्ही फुटेजवरून प्रथमेश व तोहीद या दोघांना अटक केली आहे. प्रथमेश पाटोळे हा पोलिस रेकॉर्डवरील गुन्हेगार असल्याचे स्पष्ट झाले आहे. संशयितांना कोणीतरी सुपारी दिल्याची शक्यता असून त्यादृष्टीने तपास सुरू आहे.महापालिकेचे प्रभारी मुख्य अग्निशमन अधिकारी म्हणून कार्यरत असलेले माळी मंगळवारी सायंकाळी मित्र शंकर बाजीराव जगदाळे यांच्यासोबत दुचाकीवरून घरी निघाले होते. कलानगर येथीलघराजवळ आल्यानंतर माळी दुचाकीवरून खाली उतरताच हल्लेखोरांनी माळी यांना 'आता तुला सोडत नाही' असे म्हणून चाकूने पोटात उजव्या बाजूला वार केला. माळी यांच्या मित्रांनी आरडाओरडा केल्यानंतर संशयितांनी घटनास्थळावरून दुचाकीवरून पलायन केले.

शहर पोलिस ठाण्यातील गुन्हे प्रकटीकरण शाखेने संशयित प्रथमेश पाटोळे व तोहीद सुतार या दोघांना ताब्यात घेत बुधवारी रात्री अटक केली. गुरूवारी त्यांना चार दिवसाची पोलिस कोठडी सुनावण्यात आली. दोघांची कसून चौकशी सुरू आहे. आणखी दोघे संशयित पसार असून त्यांचा शोध सुरू आहे. अटकेतील दोघांची कसून चौकशी सुरू आहे.