मोकाट जनावरांविरोधात मनपाची मोहीम

बेळगाव : शहरामध्ये मोकाट जनावरांची संख्या वाढत चालली आहे. बाजारपेठेमध्ये ही जनावरे व्यावसायिकांना त्रास देत आहेत. त्या जनावरांना पकडून श्रीनगर येथील गोशाळेमध्ये गुरुवारी पाठविण्यात आले आहे. मोकाट जनावरे बाजारपेठेमध्ये मोठ्या प्रमाणात फिरत आहेत. भाजी विक्रेत्यांची भाजी खाणे, फळ विक्रेत्यांनाही ही जनावरे त्रास देत आहेत. ये-जा करताना अडचण निर्माण होत आहे. मोकाट जनावरांचा घोळका एकाच ठिकाणी थांबत असल्यामुळे वाहतुकीची कोंडीही होत आहे. त्यामुळे समस्या निर्माण होत आहेत. याबाबत तक्रारी वाढल्या आहेत. गुरुवारी महानगरपालिकेने मुख्य बाजारपेठेमध्ये वावरत असलेल्या दोन जनावरांना पकडून गोशाळेत पाठविले आहे. भरपावसातच ही मोहीम राबविण्यात आली आहे.