उड्डाण पुलावरील रस्त्याची खासदारांकडून पाहणी

बेळगाव : खासदार जगदीश शेट्टर यांनी बुधवारी तिसरे रेल्वे गेट उड्डाण पुलाची पाहणी केली. नागरिकांच्या तक्रारीची दखल घेऊन उड्डाण पुलावरील रस्त्यावर पडलेल्या खड्ड्यांची पाहणी करून अधिकाऱ्यांना सूचना केल्या. यावेळी सार्वजनिक बांधकाम खात्याचे साहाय्यक अभियंता कोळेकर उपस्थित होते. उड्डाण पुलावरील रस्त्याच्या दुरावस्थेबाबत चार दिवसांपूर्वी आंदोलन करण्यात आले होते. यावेळी रस्त्याच्या कामासाठी निविदा काढण्यात आल्या असून कामाला लवकरच सुरुवात केली जाणार असल्याचे आश्वासन देण्यात आले होते. हे काम लवकर पूर्ण करून नागरिकांना दिलासा देण्याची सूचना खासदारांनी केली. यावेळी नैऋत्य रेल्वेचे अभियंता मयांक यांसह इतर उपस्थित होते.