खासदार शेट्टर यांनी जाणून घेतल्या अडचणी

उड्डाण पुलाखालील जागेचा सदुपयोग करण्याची मागणी

बेळगाव : खासदार जगदीश शेट्टर यांनी आज शनिमंदिर, ताशीलदार गल्ली, भांदूर गल्ली, पाटील मळा या भागाचा पाहणी दौरा केला. यावेळी त्यांनी या भागातील लोकांशी चर्चा करून अडीअडचणी जाणून घेतल्या. पाहणी दौऱ्याला सुऊवात करण्याआधी खासदार शेट्टर या भागातील नागरी समस्या तसेच खराब झालेल्या उड्डाण पुलामुळे वाहनचालकांना होणारा त्रास याबद्दल नागरिकांनी त्यांना माहिती दिली. या उड्डाण पुलाखाली लहान लहान दुकाने  बांधून पुलाखालील जागेचा सदुपयोग करावा, अशी मागणीही यावेळी खासदारांकडे करण्यात आली. यानंतर खासदार शेट्टर यांनी, शनी मंदिर ट्रस्टच्या नव्या वास्तूच्या बांधकामाची पाहणी करून माहिती घेतली. तसेच या बांधकामासाठी निधी मिळवून देण्याची ग्वाही दिली. युवा नेते आणि भारतीय जनता पक्ष ओबीसी मोर्चाचे किरण जाधव यासह पंचमंडळी, परिसरातील मान्यवर याप्रसंगी उपस्थित होते.