खासदार इराण्णा कडाडी यांची बी. के. मॉडेल शाळेला भेट

बेळगाव : बी. के. मॉडेल हायस्कूलचा शतकमहोत्सव कार्यक्रम 20 ते 23 डिसेंबर 2025 दरम्यान होणार आहे. याची पूर्वतयारी चर्चा करण्यासाठी राज्यसभा सदस्य इराण्णा कडाडी यांनी नुकतीच शाळेला भेट दिली. यावेळी त्यांनी शतकमहोत्सव कार्यक्रमासंदर्भात व्यवस्थापन मंडळाशी चर्चा केली. प्रारंभी संस्थेचे अध्यक्ष अविनाश पोतदार व कार्याध्यक्ष श्रीनिवास शिवणगी यांनी खासदार कडाडी यांचे स्वागत केले. शतकमहोत्सवी कार्यक्रम यशस्वी करण्यासाठी खासदार फंडातून 10 लाख रुपये व कार्यक्रमासाठी सर्वतोपरी सहकार्य करण्याचे आश्वासन त्यांनी दिले. यावेळी संस्थेचे सर्व पदाधिकारी, शाळांचे मुख्याध्यापक व शिक्षक उपस्थित होते.