अमेरिकेत विक्री होणारे अधिकचे आयफोन भारतीय बनावटीचे

मार्च ते मे दरम्यान 97 टक्के आयफोनची निर्यात अमेरिकेला : रॉटर्सच्या अहवालामधून माहिती

वृत्तसंस्था/ नवी दिल्ली

अमेरिकेची राष्ट्राध्यक्ष डोनाल्ड ट्रम्प यांनी अॅपलला दिलेल्या धमकीनंतरही, अमेरिकेत विकले जाणारे जवळजवळ सर्व आयफोन भारतात बनवले जात आहेत. रॉयटर्सच्या अहवालानुसार, मार्च ते मे 2025 दरम्यान अॅपलने भारतातून निर्यात केलेल्या 97 टक्के इतके आयफोन अमेरिकेत पाठवले आहे.

या आयफोनची किंमत अंदाजे  3.2 अब्ज डॉलर्स (27,000 कोटी रुपये) होती. केवळ मे महिन्यातच भारतातून अमेरिकेत सुमारे 1 अब्ज डॉलर्स म्हणजेच 8,600 कोटी किमतीचे आयफोन पाठवले गेले आहेत.  जानेवारी ते मे 2025 पर्यंत, भारतातून अमेरिकेत 4.4 अब्जडॉलर्स (37 हजार कोटी) किमतीचे आयफोन निर्यात करण्यात आले आहेत. हा आकडा 2024 मध्ये 3.7 अब्ज डॉलर्स (37 हजार कोटी) किमतीचे आयफोन निर्यात करण्यात आले आहेत.

ट्रम्प यांनी दिला होता इशारा

डोनाल्ड ट्रम्प यांनी 23 मे रोजी सांगितले होते की, अमेरिकेत विकल्या जाण्राया आयफोनचे उत्पादन अमेरिकेत व्हायला हवे, भारताशिवाय इतर कोणत्याही देशात नाही. त्यांनी अॅपलचे सीईओ टिम कुक यांना सांगितले आहे की जर अॅपल अमेरिकेत आयफोन बनवत नसेल तर कंपनीवर किमान 25 टक्के कर लावला जाईल.

अॅपलचे भारतावर लक्ष का केंद्रित पुरवठा साखळी विविधीकरण:

अॅपल चीनवरील आपले अवलंबित्व कमी करू इच्छिते. भू-राजकीय तणाव, व्यापार वाद आणि कोविड-19 लॉकडाऊनसारख्या समस्यांमुळे, कंपनीला असे वाटले की कोणत्याही एका क्षेत्रावर जास्त अवलंबून राहणे चांगले नाही. या अर्थाने, भारत अॅपलसाठी कमी जोखीम असलेला पर्याय असल्याचे सिद्ध होत आहे.

सरकारी प्रोत्साहने: भारताच्या मेक इन इंडिया इनिशिएटिव्ह आणि प्रोडक्शन लिंक्ड इनिशिएटिव्ह (पीएलआय) योजना स्थानिक उत्पादन वाढवण्यासाठी कंपन्यांना आर्थिक सहाय्य प्रदान करतात. या धोरणांमुळे फॉक्सकॉन आणि टाटा सारख्या अॅपलच्या भागीदारांना भारतात अधिक गुंतवणूक करण्यास प्रोत्साहन मिळाले आहे.

वाढत्या बाजारपेठेतील शक्यता: भारत जगातील सर्वात वेगाने वाढणाऱ्या स्मार्टफोन बाजारपेठांपैकी एक आहे. स्थानिक उत्पादनामुळे अॅपलला ही मागणी पूर्ण करण्यास अधिक मदत होते, तसेच त्याचा बाजार हिस्सा देखील वाढतो, जो सध्या सुमारे 6-7 टक्के आहे.

निर्यातीच्या संधी: अॅपल भारतात बनवलेल्या त्याच्या 70 टक्के आयफोनची निर्यात करते, यामुळे चीनच्या तुलनेत भारताच्या कमी आयात शुल्काचा फायदा होतो. 2024 मध्ये भारतातून आयफोन निर्यात 12.8 अब्ज डॉलर्स (अंदाजे 1,09,655 कोटी) पर्यंत पोहोचेल. येणाऱ्या काळात ती आणखी वाढण्याची अपेक्षा आहे.

कुशल कर्मचारी आणि पायाभूत सुविधा: कामगारांच्या अनुभवाच्या बाबतीत भारत चीनपेक्षा मागे आहे, परंतु सध्या त्यात लक्षणीय सुधारणा होत आहे. फॉक्सकॉनसारखे अॅपलचे भागीदार उत्पादन गरजा पूर्ण करण्यासाठी कर्मचाऱ्यांना प्रशिक्षण देत आहेत आणि कर्नाटकमध्ये 2.7 अब्ज डॉलर्स (23,139 कोटी) चा प्लांट सारख्या सुविधांचा विस्तार करत आहेत.