भारताचा वृद्धीदर अंदाज मॉर्गन स्टेनलीने घटविला

आर्थिक वर्ष 2022-23 साठीचा अंदाज

मुंबई : चालू आर्थिक वर्षात 2022-23 साठी भारताचा वृद्धीदर अंदाज 0.3 टक्क्यांनी घटवून तो 7.6 टक्के राहणार असल्याचा अंदाज अमेरिकन ब्रोकरेज कंपनी मॉर्गन स्टेनली यांनी व्यक्त केला आहे. सदरचा अंदाज हा बदलत्या जागतिक पातळीवरील परिस्थितीमुळे नोंदवण्यात आल्याचेही यावेळी सांगण्यात आले आहे.

आगामी काळात चलनवाढीची शक्यता लक्षात घेत ब्रोकरेज कंपनीने नव्याने वृद्धीदराचा अंदाज मांडला आहे. चालू आर्थिक वर्षात वृद्धीदर 7.6 टक्के राहणार असून या अगोदर हा अंदाज 7.9 टक्के इतका वर्तवला होता. सध्या महागाईसह इतर गोष्टींमुळे अंदाज बदलावा लागला आहे. आर्थिक वर्ष 2023-24 साठी ही वाढ 6.7 टक्के राहणार आहे.