‘माझे घर’ मध्ये अधिक सुधारणा

पणजी : ‘माझे घर’ योजनेची अंमलबजावणी अधिक सुलभ करण्याच्या उद्देशाने त्या योजनेत अधिक सुधारणा करण्यास मंत्रिमंडळाने मंजुरी दिली आहे. या योजनेची अंमलबजावणी आणि प्रक्रिया अधिक सुलभ करण्याच्या उद्देशाने सरकारने पंचायत संचालनालय, पालिका प्रशासन संचालनालय आणि पणजी महानगरपालिका यांच्याशी संबंधित दोन अध्यादेशांना मंत्रिमंडळाने बुधवारी मंजुरी दिली आहे, अशी माहिती मुख्यमंत्री प्रमोद सावंत यांनी दिली. त्याचबरोबर आरोग्य खात्यात काही पदे कंत्राटी तत्वावर भरण्यासही मंत्रिमंडळाने मान्यता दिल्याचे मुख्यमंत्र्यांनी सांगितले.