दहशतीच्या मुद्याखाली राणेंना संपवण्याचा डाव !

मंत्री नितेश राणेंची नाव न घेता केसरकरांवर टीका

सावंतवाडी | प्रतिनिधी

आमदार निलेश राणे यांना कोणीतरी बळीचा बकरा बनवत आहे. शिवसेनेचे कोकणातील नेते उद्योगमंत्री उदय सामंत, आमदार दीपक केसरकर हे निलेश राणेंचे का समर्थन करत नाहीत. असा सवाल व्यक्त करत पालकमंत्री नितेश राणे यांनी आपले मोठे बंधू आमदार निलेश राणेंची पाठराखण केली आहे. मालवण मध्ये निवडणुकीच्या काळात जी घटना घडली आणि त्यांच्यावर आता जो गुन्हा दाखल झाला आहे त्या पार्श्वभूमीवर श्री राणे यांनी सावंतवाडी येथील पत्रकार परिषदेत स्पष्ट केले. सन 2014 ते 2024 या कालावधीत गेल्या दहा वर्षात खासदार नारायण राणे आणि राणे कुटुंबीयांना दहशतीच्या मुद्याखाली संपवण्याचा डाव कोणाचा होता असा सवाल करत मंत्री नितेश राणेंनी आमदार दीपक केसरकर यांचे नाव न घेता केला. सिंधुदुर्ग जिल्ह्यातील चारही नगरपालिकांवर भाजपची सत्ता येणार असेही त्यांनी यावेळी स्पष्ट केले. यावेळी सावंतवाडी संस्थानचे युवराज लखम सावंत भोसले, बबन साळगावकर , मंदार कल्याणकर आदी उपस्थिती होते .