मिनी कूपर कन्व्हर्टिबल स्टारडस्ट लाँच

वृत्तसंस्था/नवी दिल्ली

प्रीमियम कार निर्माता मिनीने भारतात आपल्या लक्झरी कन्व्हर्टिबल हॅचबॅकचे ‘मिनी कूपर कन्व्हर्टिबल स्टारडस्ट एडिशन’ हे नवीन विशेष मॉडेल लॉन्च केले आहे. याची एक्स-शोरूम किंमत 62.90 लाख आहे. या कारचे सर्वात खास वैशिष्ट्या म्हणजे तिचा इलेक्ट्रिकली फोल्ड होणारा सॉफ्ट टॉप. हे छप्पर अवघ्या 18 सेकंदात पूर्णपणे उघडते आणि 15 सेकंदात बंद होते.

पूर्णपणे तयार युनिट म्हणून उपलब्ध

स्टारडस्ट एडिशन स्टँडर्ड कूपर कन्व्हर्टिबलपेक्षा (59 लाख) 3.9 लाख अधिक महाग आहे. त्याच वेळी, याची किंमत जेसीडब्लू पॅक व्हेरिएंटपेक्षा (61.50 लाख) 1.4 लाख अधिक आहे. ही कार भारतात पूर्णपणे तयार युनिट म्हणजेच परदेशात पूर्णपणे तयार करून आयात केली जाईल. ग्राहक मिनी इंडियाच्या अधिकृत वेबसाइटवरून याची नोंदणी करू शकतात. कंपनीने याची डिलिव्हरी सुरू केली आहे.

एक्सटीरियर: 18-इंच अलॉय व्हील्स, 215 लिटर बूट स्पेस

स्टारडस्ट एडिशन नवीन स्पार्कलिंग कॉपर ग्रे एक्सटीरियर पेंट शेडमध्ये सादर करण्यात आली आहे. कारच्या साइड मिरर कॅप्स व्हायब्रंट सिल्व्हर रंगाच्या आहेत. साइड प्रोफाइलमध्ये व्हायब्रंट सिल्व्हर लूकमधील 18-इंच स्पोक अलॉय व्हील्स आहेत.