मिडकॅप फंडचा वर्षभरात 66 टक्क्यांचा परतावा

जोखीम घेतल्यास  गुंतवणूकदारांना फायदा होण्याचे संकेत : कमीत कमी पाच वर्षांच्या कालावधीपर्यंत गुंतवणूक लाभदायक

नवी दिल्ली :

आजकाल म्युच्युअल फंडात गुंतवणूक करण्याचा गुंतवणूकदार विचार करत असले तरी मिडकॅप फंड हा एक चांगला पर्याय म्हणून त्याकडे गुंतवणूकदार पाहत आहेत. फंड श्रेणीने गेल्या 1 वर्षात 66 टक्क्यांपेक्षा जास्त परतावा दिला आहे. जर तुम्ही जोखीम घेऊ शकत असाल तर मिडकॅप फंडामध्ये गुंतवणूक केल्याने तुम्हाला चांगला परतावा मिळू शकतो.

सर्वप्रथम मिडकॅप म्युच्युअल फंड म्हणजे काय हे जाणून घ्या-

मिड कॅप म्युच्युअल फंड हा एक फंड आहे जो प्रामुख्याने मिडकॅप कंपन्यांच्या शेअर्समध्ये गुंतवणूक करतो. मिड-कॅप कंपन्या अशा आहेत ज्यांचे मार्केट कॅप (बाजारभांडवल)5,000 कोटी रुपयांपेक्षा जास्त आहे परंतु 20,000 कोटी रुपयांपेक्षा कमी आहे. मार्केट कॅपच्या बाबतीत 101 व्या ते 200 व्या क्रमांकावर असलेल्या कंपन्यांना मिड-कॅप कंपन्या देखील म्हणतात.

जोखीम घेऊनच गुंतवणूक करावी

मिड-कॅप फंड लार्ज-कॅप फंडांपेक्षा जास्त धोका पत्करतात. त्यामुळे जे लोक त्यांच्या गुंतवणुकीत जास्त जोखीम घेऊ शकतात त्यांनी या फंडात गुंतवणूक करावी. याशिवाय ही दीर्घकालीन गुंतवणूक आहे. या बाबतीत जर तुम्हाला दीर्घ मुदतीसाठी म्हणजेच 5 वर्षांपेक्षा जास्त काळ गुंतवणूक करायची असेल तर तुम्ही त्यात गुंतवणूक करू शकता.

20 ते 30 टक्के गुंतवणूक योग्य

तज्ञांच्या मते, पोर्टफोलिओच्या 20 ते 30 टक्के गुंतवणूक करणे योग्य असेल. म्हणजेच, जर तुमच्याकडे एकूण 100 रुपये गुंतवायचे असतील तर तुम्ही त्यात 20 ते 30 रुपये गुंतवू शकता. यामध्ये दीर्घकालीन गुंतवणूक करणे फायदेशीर ठरेल.

एसआयपीद्वारे गुंतवणूक चालू राहील. म्युच्युअल फंडात एकरकमी पैसे गुंतवण्याऐवजी सिस्टिमॅटिक इन्व्हेस्टमेंट प्लॅन म्हणजेच एसआयपीद्वारे गुंतवणूक करावी. एसआयपीच्या माध्यमातून तुम्ही दरमहा ठराविक रक्कम गुंतवता. यामुळे पुढे जोखीम कमी होते कारण बाजारातील चढ-उताराचा फारसा परिणाम होत नाही.