छोट्या गुंतवणूकदारांसाठी मायक्रो एसआयपी उत्तम पर्याय

दरमहा 100रुपयांची गुंतवणूक शक्य: काही फंड हाऊसेस महिना हप्ता 50 रुपयांवर आणण्याच्या तयारीत

वृत्तसंस्था/नवी दिल्ली

आता आपण म्युच्युअल फंडात गुंतवणूक करण्याची योजना आखत असाल तर एकाच वेळी मोठी रक्कम जमा करू शकत नसाल, तर तुमच्यासाठी ‘मायक्रो एसआयपी’ (सिस्टमॅटिक इन्व्हेस्टमेंट प्लॅन) हा एक चांगला पर्याय असू शकतो. याद्वारे तुम्ही दरमहा किमान 100 रुपयांची गुंतवणूक करूनही लाख रुपयांचा निधी तयार करू शकता. देशातील बहुतेक फंड हाऊसेस किमान 1000रु.पासून गुंतवणूक सुरू करण्याच्या योजना देतात. पण काही फंड हाऊसेस आता 100रु. पासून गुंतवणूक स्वीकारत आहेत.

म्युच्युअल फंड मायक्रो एसआयपीचे फायदे

कमी एसआयपी रक्कम: मायक्रो एसआयपीचे सर्वात उल्लेखनीय वैशिष्ट्या म्हणजे कमी गुंतवणूक रक्कम, फक्त रु. 100 पासून सुरू होते. कमी बजेटमध्ये गुंतवणूकदारांसाठी हा एक चांगला पर्याय असू शकतो. लवचिक गुंतवणूक: मायक्रो एसआयपी लवचिक असतात. गुंतवणूकदार त्यांच्या आर्थिक गरजा किंवा क्षमतांनुसार ते समायोजित करू शकतात. यामुळे गुंतवणूक प्रक्रिया अखंड आणि सुलभ होते. सोप्या स्वरुपात केवायसी: मायक्रो एसआयपीसाठी केवायसी करणे आवश्यक नाही. कारण ते कोणत्याही एका आर्थिक वर्षात 50,000 रुपयांपेक्षा जास्त जमा केलेले नाही. यामुळे लोकांना म्युच्युअल फंडात गुंतवणूक करणे सोपे होते.

दीर्घकालीन एसआयपी गुंतवणूक ?

म्युच्युअल फंडाचे अनेक प्रकार आहेत जसे इक्विटी, डेट आणि हायब्रिड फंड इ. इक्विटी फंडातील गुंतवणूक दीर्घकाळात अधिक फायदेशीर ठरते असे अनेकदा दिसून येते. कारण इक्विटी फंडांमध्ये दीर्घकालीन एसआयपी केल्याने शेअर बाजारातील अस्थिरतेचा धोका कमी होतो. शेअर बाजारातील नीचांकी आणि उच्चांकांचा सरासरी परतावा आणि चक्रवाढीचा फायदा होतो. पण याचा अर्थ असा नाही की कमी कालावधीसाठी म्युच्युअल फंड नाहीत. गुंतवणूकदार त्यांची गरज आणि गुंतवणुकीचा कालावधी लक्षात घेऊन डेट किंवा हायब्रीड फंडांमध्ये एसआयपी देखील करू शकतात.

दररोज एसआयपी किंवा मासिक गुंतवणूक करणे योग्य?

म्युच्युअल फंडात दररोज, मासिक, त्रैमासिक एसआपीद्वारे गुंतवणूक करण्याचा पर्याय आहे. गेल्या काही वर्षांतील संशोधनातून समोर आलेले तथ्य असे दर्शविते की संपूर्ण महिन्यात केलेल्या एसआयपीची बेरीज सारखी असल्यास दीर्घकाळात तुम्ही एका महिन्यात किती वेळा एसआपी करत आहात याने काही फरक पडत नाही.

मायक्रो एसआयपी म्हणजे काय?

मायक्रो एसआयपी हा म्युच्युअल फंडामध्ये गुंतवणूक करण्याचा एक मार्ग आहे. हे गुंतवणूकदारांना 100रु.च्या किमान मासिक योगदानासह प्रारंभ करण्यास अनुमती देते. छोट्या गुंतवणूकदारांना आकर्षित करण्यासाठी फंड हाऊसेस असे गुंतवणूक पर्याय सुरू करतात. म्युच्युअल फंडातील गुंतवणूक अधिक परवडणारी आणि सुलभ करण्यासाठी, फंड हाऊसेस मासिक ठेव रक्कम 50 रुपयांपर्यंत कमी करण्याची तयारी करत आहेत. गुंतवणुकीच्या या पद्धतीमुळे गुंतवणूकदाराची सरासरी मासिक गुंतवणूक कमी होते.