मेस्सीच्या अर्जेंटिना फुटबॉल संघावर फसवणूक केल्याचा आरोप

याआधी पाच देशांचीही फसवणूक केल्याचा दावा

वृत्तसंस्था/ मलप्पुरम

केरळचे क्रीडामंत्री व्ही. अब्दुरहिमान यांनी अर्जेंटिना फुटबॉल संघावर राज्याची फसवणूक केल्याचा आरोप केला आहे. पैसे स्वीकारल्यानंतरही नियोजित सामना खेळण्यास नकार दिल्यामुळे, या प्रकरणी नुकसान भरपाईसाठी कायदेशीर कारवाई केली जाण्याची शक्यता निर्माण झाली आहे.

केरळचे क्रीडामंत्री व्ही. अब्दुरहिमान यांचा दावा आहे की, अर्जेंटिना फुटबॉल संघाने पैसे स्वीकारल्यानंतरही सामना न खेळता राज्याची फसवणूक केली आहे.

मंत्र्यांनी सांगितले की, या संघासाठी 250 कोटी रुपयांची तरतूद करणे हे एक कठीण काम होते तसेच, या कथित विश्वासघाताबद्दल त्यांनी आपली नाराजी व्यक्त केली. अब्दुरहिमान यांनी असे संकेत दिले की, अर्जेंटिनाने कथितरित्या अशाच प्रकारे आणखी पाच देशांचीही फसवणूक केली आहे. त्यामुळे, नुकसानभरपाई मिळवण्यासाठी कायदेशीर कारवाई करण्याचा विचार केला जात आहे.

केरळचे क्रीडामंत्री व्ही. अब्दुरहिमान यांनी गुरुवारी सांगितले की, अर्जेंटिना फुटबॉल संघाने सामन्यासाठी पैसे स्वीकारल्यानंतरही केरळमध्ये येऊन सामना न खेळता राज्याची कथितरित्या फसवणूक केली आहे.

अब्दुरहिमान म्हणाले की, अर्जेंटिना फुटबॉल संघ आणि लायोनेल मेस्सी यांनी केरळमध्ये येऊन सामना खेळावा, अशी त्यांची मनापासून इच्छा होती.

त्यासाठी मी अनेकदा चर्चा केली होती. या आंतरराष्ट्रीय फुटबॉल संघाला देण्यासाठी लागणारे 250 कोटी रुपये उभे करण्यासाठी प्रायोजक शोधणे हे देखील काही सोपे काम नव्हते. परंतु, पैसे स्वीकारल्यानंतर अर्जेंटिना फुटबॉल संघाने आमची फसवणूक केली. त्यांच्याकडून अशा प्रकारच्या विश्वासघाताची आम्हाला मुळीच अपेक्षा नव्हती. येण्याचे आश्वासन देऊनही त्यांनी माघार घेतली, असे मंत्र्यांनी मलप्पुरम येथील एका टीव्ही वाहिनीशी बोलताना सांगितले.

लायोनेल मेस्सीच्या डोळ्यांत अश्रू तो निवृत्ती घेणार का, याबद्दल जगभरात चर्चा

त्यांनी सांगितले की, जेव्हा त्यांनी या प्रकरणाची चौकशी केली, तेव्हा त्यांना असे समजले की अर्जेंटिनाने अशाच प्रकारे आणखी पाच देशांचीही फसवणूक केली आहे.