मर्सिडीज ब्रेंझ ‘जी 450 डी’ भारतात दाखल

अंदाजे किंमत 2.90 कोटी : सुरक्षिततेसाठी 360 डिग्री कॅमेऱ्यासह अन्य फिचर्स

नवी दिल्ली

: मर्सिडीज-बेंझ इंडियाने भारतीय बाजारात नवीन जी  450 डी लाँच केले आहे. त्याची किंमत 2.90 कोटी रुपये (एक्स-शोरूम) ठेवण्यात आली आहे. जी 400 डी बंद केल्यानंतर, डिझेल इंजिन पुन्हा जी-क्लास श्रेणीत आले आहे.

कंपनी आता भारतात पहिल्यांदाच 3 पर्यायांसह ही आयकॉनिक एसयूव्ही देत आहे. यामध्ये डिझेल (जी 450डी), पेट्रोल (जी 63 एएमजी) आणि इलेक्ट्रिक (जी 580) यांचा समावेश आहे.

नवीन जी 450 डी  मध्ये जुन्या जी 400 डी पेक्षा अधिक शक्तिशाली अपग्रेडेड 3 लिटर इनलाइन 6 सिलेंडर डिझेल इंजिन आहे आणि त्याच्या डिझाइनमध्ये काही बदल देखील केले गेले आहेत, परंतु पहिली बॅच फक्त 50 वाहनांसाठी आहे.

नवीन डिझाइन केलेले फ्रंट आणि रियर बंपर आहेत, जे फ्रंट बंपरवर उभ्या एअर इनलेट देखील देतात. कारचे एरोडायनामिक्स सुधारण्यासाठी छतावर एक स्पॉयलर जोडण्यात आला आहे. यासोबत 20-इंच अलॉय व्हील्स आहेत, जे ग्लॉस ब्लॅक फिनिश आणि हाय शाइन इफेक्टसह येतात.

डिस्प्ले: डॅशबोर्डवर दोन 12.3-इंच क्रीन आहेत. एक इन्स्ट्रुमेंट क्लस्टरसाठी आहे आणि दुसरा इन्फोटेनमेंटसाठी आहे, जो वायरलेस अँड्रॉइड ऑटो आणि अॅपल कारप्लेला सपोर्ट करतो.