नवरात्रोत्सवासाठी खडेबाजार पोलीस स्थानकात बैठक

बेळगाव : नवरात्रोत्सव शांततेत साजरा करण्याबाबत खडेबाजार पोलीस स्थानकामध्ये बैठक घेण्यात आली. यावेळी पोलीस स्थानकाचे निरीक्षक श्रीशैल गाबी यांनी तरुणांना नवरात्रोत्सवामध्ये रात्री 10 नंतर डीजे किंवा इतर वाद्ये लावू नका, अशी सक्त ताकीद केली आहे. मूर्ती मागील वर्षी आणलेल्या मार्गावरूनच आणावी, अशी सूचनाही त्यांनी केली आहे. नवरात्रोत्सव साजरा करताना प्रत्येकाने काळजी घ्यावी, कोणत्याही प्रकारे इतरांना त्रास होऊ नये याकडे लक्ष द्यावे, असे त्यांनी यावेळी स्पष्ट केले.या बैठकीला सुनील जाधव, जयवंत हट्टीकर, गणेश काळे, सौरव सावंत विनायक उसुलकर, राघवेंद्र येळ्ळूरकर आदी उपस्थित होते.