मीशोचा येणार आयपीओ

मुंबई : भारतातील सोशल कॉमर्स प्लॅटफॉर्म कंपनी मीशो लवकरच आपला आयपीओ सादर करणार आहे. या आयपीओअंतर्गत कंपनी 6 हजार कोटी रुपये उभारणार आहे. यात 4250 कोटी रुपयांचे ताजे समभाग व 175.7 दशलक्ष इक्विटी समभाग ऑफर फॉर सेलअंतर्गत सादर केले जातील. विदीत आत्रे, संजीव कुमार हे प्रवर्तकही समभाग विक्री करणार आहेत. सेबीकडे आयपीओसंदर्भात रीतसर कागदपत्रे कंपनीने सादर केली आहेत. 2015 मध्ये स्थापन झालेली कंपनी बहुपर्यायी तंत्रज्ञान प्लॅटफॉर्म आहे जो व्यावसायिक व वैयक्तिक उद्योजकांना वस्तु विक्रीची संधी देतो.