बॉलिवूडमध्ये पुनरागमन करणार मीनाक्षी
बॉलिवूडची प्रसिद्ध अभिनेत्री मीनाक्षी शेषाद्री लवकरच मोठ्या पडद्यावर परतणार आहे. मीनाक्षीचे चाहते आतापासूनच तिचा अभिनय पाहण्यासाठी उत्सुक झाले आहेत. ‘पेंटर बाबू’ या चित्रपटाद्वारे पुनरागमन करणाऱ्या मीनाक्षीने बॉलिवूडसंबंधी स्वत:ची भूमिका मांडली आहे.
मीनाक्षीने विवाहानंतर बॉलिवूडचा निरोप घेत अमेरिकेत स्थायिक होण्याचे पाऊल उचलले होते. अभिनय माझ्यासाठी केवळ एक काम नाही. माझ्यासाठी हा ध्यास आहे. माझ्या रक्तातच अभिनय आहे. माझ्या परिवाराला याची जाणीव असल्याने त्यांनी माझे समर्थन पेले आहे. मी आता पूर्णपणे अभिनयात रमून जाऊ इच्छिते असे त्यांनी म्हटले आहे.
मी नेहमीच स्वत:च्या अंतर्मनाचा आवाज ऐकत आले आहे. अमेरिकेत माझ्यासाठी फारशा संधी नव्हत्या, याचमुळे मी बॉलिवूडमध्ये परतले आहे. माझ्या या निर्णयात सर्वांनी माझे सहकार्य पेले आहे. मी आता वेगळ्या प्रकारच्या भूमिका साकारू इच्छिते असे तिचे सांगणे आहे.
नव्या विषयांवर निर्माण होणाऱ्या चित्रपटांमध्ये काम करण्याची माझी इच्छा आहे. मला एकाच शैलीत अडकवून घ्यायच नाही. सुभाष घईंपासून मनोज कुमार यासारख्या दिग्गजांसोबत काम करण्याची संधी मला मिळाली होती. त्या लोकांसोबत काम करून मी खूपच काही शिकले होते असे मीनाक्षीने म्हटले आहे.