सावंतवाडी - शिरोडा नाक्यावर मारुती व्हॅन पलटी

चौघेजण अडकले व्हॅनमध्ये

सावंतवाडी । प्रतिनिधी

सावंतवाडी शहरात शिरोडा नाका येथे बुधवारी दुपारी पावणेतीनच्या सुमारास मारुती व्हॅन पलटी झाली . मारुती व्हॅन मध्ये चौघेजण अडकले होते.त्या चौघांना नागरिकांनी शिताफीने बाहेर काढत वाचवले. ही घटना शिरोडा नाका येथील देशपांडे हॉस्पिटल येथे घडली. होडावडा येथील कीस्तू फर्नांडीस हे घरात पडून जखमी झालेल्या आपल्या आईला उपचारासाठी मारुती व्हॅनने घेऊन देशपांडे हॉस्पिटलमध्ये आले होते. त्यांच्यासोबत पत्नी आणि तळवडे येथील एक महिला होती. डॉक्टरना आईला दाखवल्यानंतर ते पुन्हा घरी जात होते .देशपांडे हॉस्पिटल येथील मोठ्या रॅमवर मारुती मागे घेताना ती पलटी झाली . त्यात कीस्तु फर्नांडिस त्यांची आई पत्नी आणि तळवडे येथील एक महिला व्हॅनमध्ये अडकली. स्थानिक नागरिकांनी तत्काळ या सर्वांना बाहेर काढत वाचवले.