मारुतीची कॉम्पॅक्ट एसयूव्ही ‘व्हिक्टोरिस’ लाँच

अनेक वैशिष्ठ्यांचा समावेश : सुरक्षेसाठी 6 एअरबॅग्ज

नवी दिल्ली : देशातील सर्वात मोठी कार उत्पादक कंपनी मारुती सुझुकीने भारतीय बाजारात त्यांची नवीन कॉम्पॅक्ट एसयूव्ही व्हिक्टोरिस काही दिवसांपूर्वी लाँच केली आहे. कंपनीने ही एरिना चॅनेलची फ्लॅगशिप एसयूव्ही म्हणून सादर केली आहे.

अनेक पॉवरट्रेन पर्याय

मारुतीची नवीन एसयूव्ही ग्राहकांना अनेक पॉवरट्रेन पर्याय देते. यामध्ये पेट्रोल, माइल्ड-हायब्रिड, स्ट्राँग-हायब्रिड, सीएनजी (अंडरबॉडी टँकसह) आणि ऑल-व्हील ड्राइव्ह प्रकारांचा समावेश आहे.

मानक सुरक्षा वैशिष्ट्यो

सर्व प्रकारांमध्ये अनेक सुरक्षा वैशिष्ट्यो मानक म्हणून प्रदान केली आहेत. यामध्ये 6 एअरबॅग्ज, इलेक्ट्रॉनिक स्थिरता नियंत्रण, सीट बेल्ट प्री-टेन्शनर आणि लोड लिमिटर, घ्एध्इघ्X चाइल्ड सीट माउंट्स, पादचारी संरक्षण प्रणाली आणि सर्व सीटवर सीट बेल्ट रिमाइंडर्स दिलेले आहेत.

वैशिष्ट्यो आणि डिझाइन

वैशिष्ट्यांच्या बाबतीतही व्हिक्टोरिस बरीच प्रगत आहे. यात 10.25-इंच डिजिटल डिस्प्ले, मोठी टचक्रीन, अलेक्सा कनेक्टिव्हिटी, वायरलेस कारप्ले/अँड्रॉइड ऑटो, पॅनोरॅमिक सनरूफ, जेश्चर-नियंत्रित इलेक्ट्रिक टेलगेट, व्हेंटिलेटेड सीट्स, वायरलेस चार्जर आणि 64-रंगी अॅम्बियंट लाइटिंग अशी वैशिष्ट्यो आहेत. व्हिक्टोरिसला प्रीमियम लूक देण्यासाठी डिझाइनमध्ये क्रोम ग्रिल, शार्प एलईडी हेडलॅम्प, सिल्व्हर स्किड प्लेट, 18-इंच ड्युअल-टोन अलॉय व्हील्स, स्क्वेअर-ऑफ व्हील आर्च आणि फ्लोटिंग-रूफ डिझाइन समाविष्ट आहे.

किती असेल किंमत

कंपनीने त्याची अंदाजे किंमत 12 लाख ते 20 लाख दरम्यान ठेवली आहे. ही कार तीन रंगांमध्ये उपलब्ध असेल-पांढरी, लाल आणि काळी. व्हिक्टोरिसमध्ये 5 लोक बसू शकतात आणि भारत एनसीएपीकडून तिला 5-स्टार सेफ्टी रेटिंग मिळाले आहे.