जागतिक संकेतांमुळे बाजार मजबूत

गुंतवणूकदारांममधील विश्वासामुळे बाजाराला बळ : सेन्सेक्स, निफ्टी तेजीत

वृत्तसंस्था/ मुंबई

चालू आठवड्यातील दुसऱ्या सत्रात मंगळवारी भारतीय शेअर बाजार तेजीसह बंद झाला. दिग्गज कंपन्यांच्या मदतीने बीएसई सेन्सेक्स 208.17 अंकांनी वाढून 84,273.92 वर बंद झाला, तर दुसऱ्या बाजूला राष्ट्रीय शेअर बाजाराचा निफ्टी  67.85 अंकांनी वाढून 25,935.15 वर बंद झाला.

दरम्यान बाजारात लघु आणि मध्यम कंपन्यांच्या शेअर्सनी सर्वाधिक उच्चांक दाखवला. निफ्टी स्मॉलकॅप 250 निर्देशांक 0.50 टक्के आणि स्मॉलकॅप 50 सुमारे 0.41 टक्के वाढला. मिडकॅप्समध्येही जोरदार खरेदी दिसून आली. निफ्टी मिडकॅप 100 निर्देशांक 0.49 टक्क्यांनी वाढून 60,736 वर बंद झाला.

इटर्नल लिमिटेडने सेन्सेक्समध्ये सर्वांना मागे टाकले असून त्याचा शेअर 5.14 टक्क्यांनी वाढून 303.70 वर पोहोचला. टाटा स्टीलचा शेअर 2.82 टक्क्यांनी वाढून 207.80 वर बंद झाला. महिंद्रा अँड महिंद्रा 1.79 टक्क्यांनी वाढून 3,675 वर आणि टेक महिंद्रा 1.66 टक्क्यांनी वाढून 1,648 वर बंद झाला. पॉवर ग्रिड, एनटीपीसी, एल अँड टी, टीसीएस आणि मारुती सुझुकी सारख्या मोठ्या कंपन्यांचे शेअर्सही 1.14 ते 1.36 टक्क्यांच्या दरम्यान वाढले.

एचसीएल टेक्नॉलॉजीजचा शेअर्स 2.03 टक्क्यांनी घसरून 1,569.50 वर पोहोचला. बजाज फायनान्स 1.74 टक्क्यांनी वाढून 965.90 वर, भारती एअरटेल 1.27 टक्क्यांनी घसरून 2,012.60 वर आणि एशियन पेंट्स 0.77 टक्क्यांनी घसरून 2,399 वर बंद झाले. अदानी पोर्ट्स, रिलायन्स इंडस्ट्रीज, आयटीसी, अल्ट्राटेक सिमेंट आणि एचडीएफसी बँक देखील घसरणीच्या स्थितीत राहिले होते.

काही क्षेत्रांमध्ये मिश्र स्थिती

बाजारात मंगळवारी मीडिया हाइप, निफ्टी मीडिया 2.40 टक्के वधारला, ऑटो क्षेत्र 1.37 टक्के आणि धातू 0.81 टक्के वधारला. आयटीने 0.30 टक्के वधारला. बँकिंगमध्ये फारसा गोंधळ नव्हता, निफ्टी बँका 0.07 टक्के घसरल्या तर खासगी बँका 0.18 टक्क्यांनी वधारल्या. फार्मा आणि पीएसयू बँक क्षेत्रांवर दबाव होता.

गुंतवणूकदारांचा  बाजारात उत्साह कायम राहिला आहे. म्युच्युअल फंडांमध्ये पैसे सतत येत आहेत. जानेवारी 2026 मध्ये एसआयपीमधून 31,002 कोटी रुपये मिळाले, जे जानेवारी 2025 मधील 26,400 कोटींपेक्षा 17 टक्के जास्त आहे. एसआयपीची रक्कम 31 हजार कोटींपेक्षा जास्त झाल्याचा हा सलग दुसरा महिना आहे.