मार्क झुकरबर्ग 3 वर्षांनंतर एक्सवर परतले

मेटाने ‘म्यूज स्पार्क 1.1’ एआय मॉडेल सादर 

वृत्तसंस्था, वॉशिंग्टन

मेटाचे सीईओ मार्क झुकरबर्ग तीन वर्षांहून अधिक काळानंतर सोशल मीडिया प्लॅटफॉर्म एक्सवर परतले आहेत. त्यांनी कंपनीचे सर्वात नवीन आणि सर्वात प्रगत एआय मॉडेल ‘म्यूज स्पार्क 1.1’ सादर करण्याची घोषणा केली. एआय बाजारात ओपनएआय व अँथ्रोपिकसारख्या दिग्गजांशी स्पर्धा करण्याच्या मेटाच्या सुविचारित धोरणाचा झुकरबर्ग यांचा हा निर्णय एक भाग आहे.

कमी खर्चात कोडिंग, एजंटची कामगिरी

मार्क झुकरबर्ग यांनी त्यांच्या पोस्टमध्ये लिहिले, ‘आज आम्ही म्यूज स्पार्क 1.1 सादर करत आहोत. हे अत्यंत कमी किमतीत एक मजबूत एजंटिक आणि कोडिंग मॉडेल आहे. हे आमच्या नवीन मेटा मॉडेल एपीआय आणि मेटा एआयमध्ये उपलब्ध आहे.’ ते म्हणाले की, हे मॉडेल टूलचा वापर, संगणकाचा वापर आणि एजंटिक कामगिरीमध्ये सर्वात मजबूत आहे. हे 10 लाख टोकन कॉन्टेक्स्ट विंडोसह दीर्घकाळ चालणारी कार्ये सहजपणे हाताळू शकते. हे समांतरपणे चालणाऱ्या उप-एजंट्सना काम सोपवण्यास सक्षम आहे आणि डेस्कटॉप, मोबाईल किंवा ब्राउझरवरील संगणक इंटरफेस वापरण्यासाठी प्रशिक्षित आहे.

  म्यूज स्पार्क वापरून अॅप्लिकेशन्सची रचना

झुकरबर्ग म्हणाले की, डेव्हलपर्स म्यूज स्पार्क वापरून नवीन अॅप्लिकेशन्स तयार करू शकतील. कंपनीचे संपूर्ण लक्ष अत्यंत कमी खर्चात मजबूत एजेंटिक आणि मल्टीमोडल मॉडेल्स प्रदान करण्यावर आहे. अमेरिकेतील डेव्हलपर्स आता मेटा मॉडेल एपीआयच्या पब्लिक प्रिह्यूद्वारे म्यूज स्पार्क 1.1 वापरू शकतात.

कमी मानवी लक्ष देऊन गुंतागुंतीची कामे पूर्ण होतील. मेटा या अपग्रेड केलेल्या मॉडेलला कोडिंग, एजेंटिक वर्कफ्लो आणि सॉफ्टवेअर ऑटोमेशनसाठी आपली आतापर्यंतची सर्वात सक्षम एआय प्रणाली म्हणते. हे मॉडेल केवळ कोड लिहू आणि डीबग करू शकत नाही, तर सॉफ्टवेअर टूल्सशी संवादही साधू शकते. कोणत्याही मानवी हस्तक्षेपाशिवाय अत्यंत गुंतागुंतीची आणि अनेक टप्प्यांची कामे करण्यासाठी मजकूर, प्रतिमा आणि व्हिडिओ समजून घेण्याची क्षमता यात आहे.