मँचेस्टर सिटी अंतिम फेरीत

वृत्तसंस्था/ लंडन

बर्नार्डो सिल्व्हाच्या एकमेव निर्णायक गोलाच्या जोरावर शनिवारी विम्ब्लेच्या मैदानावर खेळविण्यात आलेल्या सामन्यात मँचेस्टर सिटीने चेल्सीचा 1-0 अशा गोलफरकाने निसटता पराभव करत एफए चषक फुटबॉल स्पर्धेची अंतिम फेरी गाठली. या स्पर्धेतील अंतिम सामन्यात 25 मे रोजी खेळविली जाणार आहे.

या सामन्यामध्ये मँचेस्टर सिटीतर्फे एकमेव निर्णायक गोल पोर्तुगालच्या बर्नार्डो सिल्व्हाने 84 व्या मिनिटाला नोंदविला. मध्यंतरापर्यंत गोलफलक कोराच होता. चॅम्पियन्स लीग फुटबॉल स्पर्धेत मँचेस्टर सिटीला जेतेपद मिळविण्याची संधी रियल माद्रीदकडून संपुष्टात आली होती. मँचेस्टर सिटीचा या स्पर्धेतील आणखी एक सामना कोव्हेंट्रीशी होणार आहे.

या स्पर्धेतील अन्य एका तळाच्या स्थानासाठीच्या सामन्यात बर्नेलीने शेफील्ड युनायटेडचा 4-1 अशा गोलफरकाने पराभव केला. या विजयामुळे या लीग स्पर्धेत बर्नेलीने 7 पैकी केवळ एकमेव सामना यावेळी गमाविला आहे. त्यांचे या स्पर्धेतील अद्याप 5 सामने बाकी आहेत. लुटॉन संघाला ब्रेंटफोर्डने 5-1 असे पराभूत केले.