फिलिपाईन्समध्ये इमारत कोसळून मोठी दुर्घटना

ढिगाऱ्याखाली अडकलेल्यांना वाचविण्याचे प्रयत्न सुरू

वृत्तसंस्था/ मनिला

फिलिपाईन्सची राजधानी मनिलाच्या उत्तरेला सोमवारी पहाटे एक मोठी आणि दु:खद दुर्घटना घडली. बांधकाम सुरू असलेली 9 मजली इमारत वादळामुळे कोसळून अनेक कामगार ढिगाऱ्याखाली अडकले. घटनेची माहिती मिळताच, स्थानिक प्रशासन आणि पोलिसांनी तात्काळ घटनास्थळी धाव घेत बचाव व मदतकार्य सुरू केले आहे. या धोकादायक घटनेमुळे पांपांगा प्रांतातील अँजेल्स शहरात भीती आणि चिंतेचे नवीन वातावरण निर्माण झाले आहे. ढिगाऱ्याखाली अडकलेल्या सर्वांचे प्राण वाचवण्यासाठी बचाव पथक रात्रंदिवस अथक प्रयत्न करत आहे. सर्व कामगारांना सुरक्षितपणे बाहेर काढले जाईल याची खात्री करण्यासाठी प्रशासन सर्वतोपरी प्रयत्न करत आहे. हे एक अत्यंत संवेदनशील प्रकरण असून, वरिष्ठ अधिकारी संपूर्ण बचाव कार्यावर वैयक्तिकरित्या लक्ष ठेवून आहेत.