‘ओला इलेक्ट्रिक’ला मोठा धक्का

महसुलात 57 टक्क्यांची घट : तोटा कायम

वृत्तसंस्था/नवी दिल्ली

ओला इलेक्ट्रिक मोबिलिटीने 31 मार्च रोजी संपलेल्या तिमाहीसाठी 500 कोटी रुपयांचा निव्वळ तोटा नोंदवला आहे. हा तोटा मागील वर्षीच्या 870 कोटी रुपयांच्या तोट्यापेक्षा 42.5 टक्क्यांनी कमी आहे. दरम्यान, तिमाही-दर-तिमाही आधारावर, डिसेंबर तिमाहीच्या तुलनेत तूट 2.7 टक्क्यांनी वाढली आहे. डिसेंबर तिमाहीतील तूट 487 कोटी रुपये होती. मागील वर्षीच्या 611 कोटी रुपयांच्या परिचालन महसुलाच्या तुलनेत, या तिमाहीतील परिचालन महसूल 56.6 टक्क्यांनी घसरून 265 कोटी रुपयांवर आला. डिसेंबर तिमाहीसाठी हा महसूल 470 कोटी रुपये होता. एकूण उत्पन्न देखील 58.2 टक्क्यांनी घसरून मागील वर्षीच्या 728 कोटी रुपयांवरून 304 कोटी रुपयांवर आले. एकूण खर्च 58.2 टक्क्यांनी कमी होऊन मार्च तिमाहीत 546 कोटी रुपयांवर आला, जो मागील वर्षी 1,306 कोटी रुपये होता. ओला इलेक्ट्रिकने आर्थिक वर्ष 2026 च्या चौथ्या तिमाहीत 20,256 वाहने आणि संपूर्ण आर्थिक वर्ष 2026 मध्ये 1,73,794 वाहने वितरित केली. चौथ्या तिमाहीसाठी एकत्रित एकूण मार्जिन 38.5 टक्के आणि आर्थिक वर्ष 2026 साठी 30.6 टक्के होते.