महिंद्राच्या समभागाने गाठली नवी उंची

मुंबई

 शेअर बाजारात महिंद्रा आणि महिंद्रा कंपनीच्या समभागांनी नवा उच्चांकी स्तर शुक्रवारी गाठला होता. शुक्रवारी बीएसईवर 5 टक्के वाढीसह महिंद्राचा समभाग 1191 रुपयांवर पोहचला होता. इंग्लंडमधील वित्त संस्था ब्रिटीश इंटरनॅशनल इन्वेस्टमेंट यांनी 1 हजार 925 कोटी रुपयांची गुंतवणूक महिंद्राच्या वाहन निर्मितीकरीता केली असल्याचे समजते. चारचाकी इलेक्ट्रिक पॅसेंजर वाहन निर्मितीसाठी ही गुंतवणूक वापरली जाणार आहे. याचा सकारात्मक परिणाम कंपनीच्या समभागावर दिसला आहे.