एम.व्ही. हेरवाडकर विद्यार्थ्यांची राष्ट्रीय स्पर्धेत चमक

बेळगाव : बेंगळूर येथे सार्वजनिक शिक्षण खात्याच्यावतीने घेण्यात आलेल्या विविध क्रीडा स्पर्धांमध्ये एम. व्ही. हेरवाडकर स्कूलच्या खेळाडूंनी घवघवीत यश संपादन केले. कुस्ती या क्रीडा प्रकारात कल्याणी आंबोलकरने राज्यस्तरावरील कुस्तीमध्ये उत्कृष्ट कामगिरी करुन सुवर्णपदकाला गवसणी घातली. या कामगिरीबद्दल राष्ट्रीय व मिनी ऑलिम्पिक स्पर्धेसाठी तिची निवड झाली आहे. क्रिकेटमध्ये लक्ष खतायतने राज्यस्तरीय क्रिकेट स्पर्धेत प्राथमिक गटात निवड झाली असून त्याची संघाच्या कर्णधारपदी वर्णी लागली आहे. राष्ट्रीय स्पर्धेसाठी निवड झालेल्या खेळाडूंची हायस्कूलच्या प्रशस्तीपत्र देवून सत्कार करण्यात आला. पुढील स्पर्धेसाठी शुभेच्छा देण्यात आल्या. या सर्व विद्यार्थ्यांना स्कूलच्या प्राचार्या शोभा कुलकर्णी, क्रीडा शिक्षक सोमशेखर हुद्दार, के. ए. हागिदळे यांचे मार्गदर्शन लाभत आहे.