लोकमान्य सोसायटीकडून आकर्षक व्याजदरासह ‘लोक मान्सून ठेव योजना’

बेळगाव : लोकमान्य मल्टिपर्पज को-ऑप. सोसायटीने आपल्या ठेवीदारांसाठी नवी ठेव योजना ‘लोक मान्सून ठेव योजना’ सादर केली आहे. अल्पकालीन आणि सुरक्षित गुंतवणुकीचा शोध घेत असलेल्या गुंतवणूकदारांसाठी ही योजना अत्यंत फायदेशीर ठरणार आहे. 500 दिवसांच्या मुदतीसाठी ही योजना असून ठेवीदारांना 10.25 टक्के आकर्षक व्याजदर दिला जाणार आहे. विशेष म्हणजे ज्येष्ठ नागरिकांसाठी अतिरिक्त 0.50 टक्के व्याज देण्यात येणार आहे. यामुळे ज्येष्ठ नागरिकांना एकूण 10.75 टक्क्यांपर्यंत व्याजदराचा लाभ घेता येणार आहे. किमान ठेव रक्कम 10 हजार रुपये असून ही योजना सर्वसामान्यांसाठी सहज उपलब्ध आहे. अल्पकालीन गुंतवणुकीच्या माध्यमातून निश्चित परतावा मिळवू इच्छीणाऱ्या नागरिकांसाठी ही योजना अत्यंत उपयुक्त आहे.

लोकमान्य सोसायटीने आपल्या ठेवीदारांच्या हिताला प्राधान्य देत नाविन्यपूर्ण आणि विश्वासार्ह आर्थिक सेवा पुरविल्या आहेत. ‘लोक मान्सून ठेव योजना’ या नव्या योजनेतूनही सोसायटीने आपल्या सदस्यांना आर्थिक स्थैर्य आणि सुरक्षिततेचा मजबूत पर्याय उपलब्ध करून दिला आहे. लोकमान्य मल्टिपर्पज को-ऑप. सोसायटी ही विश्वास आणि उत्कृष्टतेचा वारसा लाभलेली अग्रगण्य संस्था असून महाराष्ट्र, कर्नाटक, गोवा, दिल्ली या चार राज्यांमध्ये कार्यरत आहे. संस्थेने 213 शाखांचे विस्तृत जाळे तयार केले असून ग्राहकांना विविध प्रकारच्या आर्थिक सेवा प्रदान करते. लोकमान्य सोसायटी फिक्स्ड डिपॉझिट्स, रिकरिंग डिपॉझिट्स, कर्ज, विमा, म्युच्युअल फंड यासारख्या सेवा देत आहे. या योजनेच्या अधिक माहितीसाठी नजीकच्या लोकमान्य शाखेत भेट द्यावी. किंवा 18002124050 या टोल फ्री क्रमांकावर संपर्क साधण्याचे आवाहन करण्यात आले आहे.