लोकमान्य सोसायटीतर्फे लोकमान्य टिळक जयंती साजरी

बेळगाव : लोकमान्य मल्टिपर्पज को-ऑप. सोसायटीतर्फे थोर स्वातंत्र्यसैनिक व समाजसुधारक लोकमान्य बाळ गंगाधर टिळक यांची 169 वी जयंती साजरी करण्यात आली. याप्रसंगी टिळकांच्या विचारांचे स्मरण करून त्यांचा आदर्श आजच्या पिढीने घ्यावा, असे मत चेअरमन डॉ. किरण ठाकुर यांनी व्यक्त केले. कार्यक्रमाच्या सुरुवातीस लोकमान्य टिळकांच्या प्रतिमेला पुष्पहार अर्पण करून अभिवादन करण्यात आले. या कार्यक्रमास उपाध्यक्ष अजित गरगट्टी, संचालक गजानन धामणेकर, डॉ. दामोदर वागळे, पंढरी परब, सुबोध गावडे, मुख्य कार्यकारी अधिकारी अभिजीत दीक्षित, तसेच मुख्य सुरक्षा अधिकारी कर्नल दीपक गुरूंग आणि लोकमान्य सोसायटीचे कर्मचारी उपस्थित होते.