लोककल्प फौंडेशनतर्फे हब्बनहट्टी प्राथमिक शाळेत स्वेटर्सचे वाटप

बेळगाव : लोककल्प फोंडेशनतर्फे हब्बनहट्टी येथील मराठी प्राथमिक शाळेतील विद्यार्थ्यांना स्वेटर्सचे वाटप करण्यात आले. ग्रामीण शिक्षणाला चालना देणे आणि हिवाळ्यात विद्यार्थ्यांचे आरोग्य जपणे हा या उपक्रमाचा उद्देश होता. विद्यार्थी व शिक्षकांनी या उपक्रमाबद्दल लोककल्प फौंडेशनचे मन:पूर्वक आभार मानले. हा उपक्रम लोकमान्य मल्टिपर्पज को-ऑप. सोसायटी लि. चे चेअरमन डॉ. किरण ठाकुर यांच्या प्रेरणेतून राबविण्यात आला. ग्रामीण भागातील नागरिकांना जीवनावश्यक मूलभूत गरजांची पूर्तता करून त्यांचे जीवनमान उंचावणे यासाठी लोककल्प फौंडेशन सातत्याने प्रयत्न करीत आहे.