एलजी इलेक्ट्रॉनिक्सच्या नफ्यात घट

नवी दिल्ली :

एलजी इलेक्ट्रॉनिक्स इंडिया यांचा दुसऱ्या तिमाहीचा निकाल जाहीर झाला असून निव्वळ नफ्यामध्ये कंपनीने 27 टक्के घसरण नोंदवली आहे. सप्टेंबरला संपलेल्या तिमाहीमध्ये कंपनीचा निव्वळ नफा 389 कोटी रुपयांवर पोहोचला. वर्षाच्या आधारावर पाहता नफा 27 टक्के कमी दिसून आला. याच दरम्यान 6174 कोटी रुपयांचा महसूल कंपनीने तिमाहीमध्ये प्राप्त केला आहे. कंपनीने टीव्ही, फ्रीज आणि एअर कंडिशनर सारख्या उत्पादनांच्या विक्रीत चांगली कामगिरी दर्शवली आहे. सप्टेंबरमध्ये एलजीने एसी उत्पादनांमध्ये विक्रीमध्ये भारतीय बाजारात एकंदर 17 टक्के इतका वाटा उचलला आहे.