हिंदुस्थान झिंकच्या भागधारकांना पत्र

2030 च्या ध्येयासंदर्भावरुन पत्र असल्याची माहिती

नवी दिल्ली :

वेदांत समूहाची कंपनी हिंदुस्तान झिंक पुढील पाच वर्षांत त्यांचे धातू उत्पादन दुप्पट करून 20 लाख टन प्रतिवर्षी करण्याचे उद्दिष्ट निश्चित केले आहे. असे कंपनीच्या अध्यक्षा प्रिया अग्रवाल हेब्बर यांनी सांगितले. हिंदुस्तान झिंकच्या अध्यक्षांनी शेअरहोल्डर्सना लिहिलेल्या पत्रात म्हटले आहे की, भारताच्या स्टील क्षमतेच्या विस्तारामुळे आणि पायाभूत सुविधांवर भर दिल्याने, हिंदुस्तान झिंक 2030 पर्यंत आपले उत्पादन दुप्पट करून 20 लाख टन प्रतिवर्षी करण्याची तयारी करत आहे. स्टील गॅल्वनायझेशन प्रक्रियेत आमचा झिंक महत्त्वाची भूमिका बजावतो.

हेब्बर म्हणाले की, कंपनी महत्त्वाच्या खनिजांमध्येही विस्तार करत आहे आणि देशातील अनेक ब्लॉक्ससाठी पसंतीची बोली लावणारी कंपनी म्हणून घोषित करण्यात आली आहे. हिंदुस्तान झिंक रोस्टर आणि खत प्रकल्प प्रकल्प देखील प्रगतीपथावर आहेत. ‘आमचे ‘टेली-रिमोट’ ऑपरेशन्स असोत, जे आम्हाला पृष्ठभागावरून भूमिगत खाणी चालवण्याची क्षमता देतात किंवा धातू उत्पादनात प्रगत रोबोटिक्सचा वापर असो, आम्ही आमच्या ऑपरेशन्समध्ये मानवी हस्तक्षेप कमी करण्यासाठी वचनबद्ध आहोत.’कंपनीने कृत्रिम बुद्धिमत्ता (एआय) चा जलद अवलंब केल्याने धातू उत्खनन, प्रक्रिया आणि धातू उत्पादन वाढले आहे आणि त्याची उत्पादकता वाढत आहे. गेल्या पाच वर्षांत, कंपनीचे धातू उत्पादन वार्षिक चार टक्क्यांनी वाढले आहे, तर चांदीचे उत्पादन पाच टक्क्यांनी वाढत आहे.

वेदांत लिमिटेडने अलीकडेच दोन ब्लॉक्स विकत घेतले. नोव्हेंबर 2024 मध्ये लिलावाच्या चौथ्या फेरीत वाटप केलेल्या आठ महत्त्वाच्या खनिज ब्लॉक्ससाठी खाण मंत्रालयाने पसंतीच्या बोलीदारांची घोषणा केली तेव्हा ब्लॉक्स जिंकणाऱ्या कंपन्यांमध्ये हिंदुस्तान झिंक लिमिटेड, वेदांत, ऑइल इंडिया, ओडिशा मेटॅलिक्स आणि मैम्को मायनिंग यांचा समावेश होता.

या बोलीमध्ये, वेदांत ग्रुपने अरुणाचल प्रदेशमधील डेपो व्हॅनेडियम आणि ग्रेफाइट ब्लॉक (लिलाव प्रीमियम: 2.55टक्के) आणि कर्नाटकमधील संन्यासीकोप्पा कोबाल्ट, मॅंगनीज आणि आयर्न ब्लॉक (लिलाव प्रीमियम: 45.00टक्के) विकत घेतले. आसाम-त्रिपुरा ऑइल ब्लॉकमध्ये 50 हजार कोटींची गुंतवणूक . खाण क्षेत्रातील दिग्गज वेदांत ग्रुपचे अध्यक्ष अनिल अग्रवाल यांनी नोव्हेंबर 2024 मध्ये घोषणा केली की कंपनी पुढील 3-4 वर्षांत आसाम आणि त्रिपुराच्या तेल आणि वायू क्षेत्रात 50,000 कोटी रुपयांची गुंतवणूक करेल.