लार्सन अॅण्ड टुब्रो सेमीकंडक्टर क्षेत्रात 300 दशलक्ष डॉलर्स गुंतविणार

योजना आखण्यास सुरुवात : सेमीकंडक्टर क्षेत्रात क्रांतीचे संकेत : भारत मोठा वाटा उचलण्यासाठी सज्ज

वृत्तसंस्था/ नवी दिल्ली

भारतातील आघाडीची उत्पादन आणि तंत्रज्ञान कंपनी, लार्सन अॅण्ड टुब्रोने सेमीकंडक्टर उद्योगात एक मोठे पाऊल टाकत आहे. यात कंपनीने 300 दशलक्ष डॉलरहून अधिक गुंतवणूक करण्याची योजना आखली आहे. या गुंतवणुकीमुळे कंपनीला पुढील तीन वर्षांमध्ये फॅबलेस चिपमेकर स्थापन करता येईल जे उत्पादन आउटसोर्सिंग करताना सेमीकंडक्टर डिझाइन आणि विक्रीवर लक्ष केंद्रित करेल. या वर्षाच्या अखेरीस 15 उत्पादनांची रचना पूर्ण करून 2027 मध्ये विक्री सुरू करण्याचे एल अॅण्ड टीचे उद्दिष्ट आहे.

एल अॅण्ड टीच्या या उपक्रमामुळे भारतातील सेमीकंडक्टर उद्योग मजबूत होईल, जे देशाची महागडी आयात कमी करण्यासाठी आणि स्थानिक क्षमता वाढवण्याच्या दिशेने एक महत्त्वाचे पाऊल आहे. भारताच्या या महत्त्वाकांक्षी योजनेचा फायदा घेण्याचा प्रयत्न जागतिक आणि स्थानिक कंपन्या करत आहेत. यूएस-चीन व्यापार युद्धामुळे, इलेक्ट्रॉनिक्स उत्पादकांना, विशेषत: चिप निर्मात्यांना चीन आणि तैवानच्या बाहेर वैविध्य आणण्याची गरज भासत आहे, भारत या प्रदेशात लाभार्थी म्हणून उदयास येत आहे.

सेमीकंडक्टरच्या वाढत्या महत्त्वामुळे गरज वाढली

सेमीकंडक्टरच्या वाढत्या महत्त्वामुळे जगभरात त्यांचा पुरवठा सुनिश्चित करण्याची गरज आणखी वाढली आहे. अमेरिका, जर्मनी, जपान आणि सिंगापूर सारखे देश त्यांच्या देशांतर्गत चिप उत्पादनाला चालना देण्याचा प्रयत्न करत आहेत.

एल अॅण्ड टी सेमिकंडक्टर टेक्नॉलॉजीमध्ये सध्या सुमारे 250 लोकांना रोजगार आहे आणि 2024 च्या अखेरीस त्यात दुप्पट वाढीचे उद्दिष्ट आहे. कंपनी मोठ्या कंपन्यांसाठी चिप डिझायनिंग सबसिडी शोधत आहे, परंतु बाह्य निधीसाठी नाही.

पंतप्रधान नरेंद्र मोदी यांच्या सरकारने चिप निर्माते आणि त्यांच्या पुरवठादारांना आकर्षित करण्यासाठी 10 अब्ज डॉलरचा कार्यक्रम सुरू केला आहे, ज्या अंतर्गत टाटा समूहाने देशातील पहिला मोठा चिप कारखाना उभारला आहे आणि मायक्रोन टेक्नॉलॉजी इंक. ने गुजरातमध्ये 2.75 अब्ज डॉलरची असेंब्ली सुविधा उभारली आहे.