‘दो पत्ती’मध्ये क्रीति दुहेरी भूमिकेत

ओटीटीवर प्रदर्शित होणार चित्रपट

क्रीति सेनॉन आता निर्मितीच्या क्षेत्रात उतरली आहे. तिचे प्रॉडक्शन हाउस ‘ब्ल्यू बटरफ्लाय फिल्म्स’च्या अंतर्गत निर्मित ‘दो पत्ती’ हा चित्रपट दीर्घकाळापासून चर्चेत आहे. आता या चित्रपटाच्या प्रदर्शनाची तारीख जाहीर करण्यात आली आहे.

दो पत्ती हा चित्रपट ओटीटीवर प्रदर्शित होणार आहे. या चित्रपटात महिला कलाकारांना अधिक प्राधान्य देण्यात आले आहे. काजोल आणि क्रीति सेनॉन या चित्रपटात मुख्य भूमिकेत आहेत. दोन्ही दिग्गज अभिनेत्री दुसऱ्यांदा एकत्र झळकणार आहेत.

नेटफ्लिक्सने ‘दो पत्ती’चा छोटासा व्हिडिओ जारी केला आहे. व्हिडिओची सुरुवात काजोलपासून होते, जी स्वत:साठी कॉफीची ऑर्डर देताना दिसून येत. तर त्याच रेस्टॉरंटमध्ये क्रीति बसलेली असून जिच्यावर काजोलची नजर पडते, मग ती तिला पकडते आणि प्रश्न विचारू लागते. त्यांच्या संभाषणादरम्यान आणखी एका महिलेची एंट्री होते, जी देखील क्रीति सेनॉनच असते. हा व्हिडिओ पाहून दो पत्ती या चित्रपटात क्रीति  दुहेरी भूमिकेत असल्याचा कयास व्यक्त होत आहे. हा चित्रपट 25 ऑक्टोबर रोजी नेटफ्लिक्सवर प्रदर्शित होणार आहे. चित्रपटात काजोल आणि क्रीति सेनॉनसोबत शहीर शेख आणि शशांक चतुर्वेदी देखील मुख्य भूमिकेत आहेत.