किरण सामंतांचा पथनाट्याद्वारे प्रचार
राजापूर :
विधानसभा निवडणुकीत उमेदवारांनी प्रचारासाठी वेगवेगळे फंडे वापरलेले दिसून येत आहेत. यामध्ये राजापूर- लांजा -संगमेश्वर विधानसभा मतदारसंघातील महायुतीचे उमेदवार किरण सामंत यांचा ठिकठिकाणी पथनाट्याद्वारे प्रचार केला जात नाहे. त्याला नागरिकांचा उत्स्फूर्त प्रतिसाद लाभत आहे.
राजापूर तालुक्यात सध्या विधानसभा निवडणुकीचा प्रचार शिगेला पोहोचला आहे. मतदारांच्या प्रत्यक्ष गाठीभेटी, प्रचार रॅली यांनी वातावरण निवडणूकमय झालेले दिसत आहे. ग्रामीण भागामध्ये अनेक ठिकाणी भातझोडणीची कामे सुरू असल्याने मतदारांच्या गाठीभेठींसाठी सायंकाळनंतर पदाधिकारी, कार्यकर्ते सर्वत्र फिरत आहेत.
प्रचाराच्या विविध पद्धतीच्या जोडीलाच सामंत यांच्या समर्थकांनी पथनाट्यांचा आधार घेतला आहे. याद्वारे मतदारसंघातील रखडलेला विकास जनतेसमोर आणला जात आहे. राजापूर तालुक्यातील वाटूळ येथील झालेल्या पथनाट्याच्यावेळी शिवसेनेचे जिल्हाप्रमुख राहुल पंडित, पाचल विभागाचे कार्यकर्ते उमेश पराडकर व अन्य कार्यकर्ते उपस्थित होते.