कियान नासिरी आता चेन्नईन एफसीशी करारबद्ध

मडगाव : चेन्नईन एफसीने येत्या फुटबॉल हंगामासाठी कियान नासिरीला करारबद्ध केले आहे. 23 वर्षीय कियान गेल्या आयएसएलच्या हंगामात कोलकाताच्या मोहन बागानसाठी खेळला होता. त्यापूर्वी तो मोहमेडन्सच्या युवा संघातही कित्येक वर्षे खेळला. चेन्नईन एफसीने कियान नासिरी याच्याबरोबर तीन फुटबॉल हंगामासाठी करार केला असून तो क्लबला 2027 पर्यंत खेळणार आहे. नासिरी हा मोहन बागानसाठी नियमित खेळाडू असून 2024च्या आयएसएल लीग विजेता तसेच 2023 आयएसएल चषक जिंकलेल्या मोहन बागानचा सदस्य राहिला आहे. त्याने 68 सामने मोहन बागानसाठी खेळले असून यात 9 गोल केले तर गोल करण्यात दोन असिस्टही त्याच्या नावावर आहेत.