खलील अल-हय्या हमासचे नवे प्रमुख

याह्या सिनवार याच्या मृत्यूचाही दुजोरा

वृत्तसंस्था/ तेल अवीव

इस्रायलने केलेल्या हल्ल्यात याह्या सिनवारचा मृत्यू झाल्यानंतर आता हमासने आपला नवा नेता निवडला आहे. खलील हय्या यांना नवे प्रमुख बनवण्यात आले आहे. तसेच हमासने आपला सर्वोच्च नेता याह्या सिनवार यांच्या मृत्यूची पुष्टी केली आहे. तसेच हमासचे नवीन प्रमुख खलील अल-हय्या यांनीही याह्या सिनवार याच्या मृत्यूच्या वृत्ताला अधिकृत दुजोरा दिला.

सध्याच्या संघर्षात हमासच्या सर्वोच्च नेतृत्वातील अनेक प्रमुख सदस्य मारले गेले आहेत. अशा स्थितीत सिनवार यांच्या वारसदारासंदर्भात काही नावे चर्चेत होती. यामध्ये खालिद मेशालच्या नावाचाही समावेश होता. मात्र, हमासने खलील अल-हय्या यांना आपला नेता म्हणून निवडले. हय्या सध्या कतारमध्ये राहत आहेत. 2007 मध्ये गाझा येथे झालेल्या इस्रायली हवाई हल्ल्यात त्याचे संपूर्ण कुटुंब ठार झाले होते.