केटी लेडेकीला 1500 फ्रीस्टाईलमध्ये पुन्हा एकदा विश्व जेतेपद

वृत्तसंस्था / सिंगापूर

केटी लेडेकी इतर क्रीडा प्रकारात थोडीशी घसरली असली तरी ती अजूनही 1500 मी. फ्रीस्टाईलमध्ये अजिंक्य असल्याचे तिने येथे सुरू असलेल्या विश्व जलतरण स्पर्धेत दाखवून दिले.

तिने मंगळवारी सिंगापूरमधील जलतरण जागतिक अजिंक्यपद स्पर्धेत 15 मिनिटे 26.44 सेकंदांत ही शर्यत पूर्ण करत पुन्हा एकदा जेतेपद मिळविले. इटलीच्या सिमोना क्वाडारेलाने 15.31.39 सेकंदामध्ये रौप्यपदक जिंकले. हा एक युरोपियन विक्रम आहे. तर ऑस्ट्रेलियाच्या लानी पॅलिस्टरने 15 मिनिटे 41.18 सेकंद वेळ नोंदवत कांस्यपदक मिळविले. लेडेकी 1,250 मी. अंतरावर तिच्या जागतिक विक्रमाच्या गतीपेक्षा पुढे होती. परंतु पालिस्टरने तिला लवकरच मागे टाकले. कॅनेडियन समर मॅकिंटोशच्या मागे 400 मी. फ्रीस्टाईलमध्ये कांस्यपदक जिंकल्यानंतर लेडेकीचे हे या खेळामधील दुसरे पदक होते. हे आकडे लेडेकीच्या वर्चस्वाचे संकेत देतात. ती एका दशकाहून अधिक काळ अव्वल स्थानावर आहे.

मंगळवारी तिने इतिहासातील 1500 मध्ये अव्वल 26 मधील 25 व्या वेळी यश मिळविले. तिचा वेळ हा पाचवा सर्वात जलद होता. हे तिचे जागतिक अजिंक्यपद स्पर्धेतील 22 वे आणि एकूण 28 वे सुवर्णपदक होते. त्यात 9 ऑलिम्पिक सुवर्णपदके आणि एकूण 14 पदके मिळवल्यास एकूण 42 ऑलिम्पिक आणि जागतिक पदके तिने मिळविली आहेत..

पहिल्या दोन दिवसांत दोन सुवर्णपदके जिंकणारा मॅकइंटोश मंगळवारी स्पर्धेच्या तिसऱ्या दिवशी शर्यत जिंकला नाही. पॅरिस ऑलिम्पिक विजेता रोमानियाचा डेव्हिड पोपोविचीने 200 मी. फ्रीस्टाईलमध्ये शेवटच्या 50 मी.मध्ये अमेरिकन ल्यूक हॉबसनला मागे टाकत विजय मिळविला. पोपोविचीने 1 मिनिट 43.53 सेकंद तर हॉबसनने 1 मिनिट 43.84 मध्ये पार केला. जपानची तात्सुया मुरासा 1 मिनिट 44.54 वेळेसह तिसऱ्या क्रमांकावर राहिली.

ऑस्ट्रेलियाची केली मॅककाऊन महिलांच्या 100 मी. बॅकस्ट्रोकमध्ये अमेरिकन रेगन स्मिथला हरवून 57.35 से. वेळ नोंदवत जेतेपद मिळविले तर अमेरिकन कॅथरीन बकॉफने 58.15 वेळेसह कांस्यपदक मिळवले. मॅककाऊन ही या शर्यतीत आणि 200 मी. बॅकस्ट्रोककमध्येही दोनवेळा गतविजेती राहिलेली ऑलिम्पिक विजेती आहे. तिने एका वर्षापूर्वी पॅरिसमध्ये स्मिथला हरवले होते आणि स्मिथने रौप्यपदक जिंकले होते. द. आफ्रिकेच्या पीटर कोएत्झेने 21 वर्षीय स्पर्धकांचे प्रतिनिधीत्व केले. ज्याने पुरुषांच्या 100 मी. बॅकस्ट्रोकमध्ये 51.85 सेकंदात विजय मिळविला. इटलीच्या थॉमस सेकॉनने 51.90 मध्ये रौप्यपदक जिंकले तर योहान एनडोये-ब्राऊअर्डने 51.92 मध्ये कांस्यपदक मिळविले.

जर्मनीच्या अॅना एलेंड्ट लेन 1 वरुन पोहताना 1 मिनिटे 05.19 मध्ये महिलांच्या 100 मी. ब्रॅस्टस्ट्रोकमध्ये विजय मिळवला. अमेरिकेच्या केट डग्लसने 1 मिनिटे 05.27 वेळेसह रौप्यपदक पटकाविले तर चीनच्या तांग कियानटिंगने 1 मिनिटे 05.64 वेळेसह कांस्यपदक पटकाविले.