केट बाथरुममध्ये ठेवते ऑस्कर ट्रॉफी

जगप्रसिद्ध अभिनेत्रीने सांगितले कारण

ऑस्कर पुरस्काराविषयी जवळपास सर्वांनाच माहिती असावी. हा जगातील प्रतिष्ठित पुरस्कारांपैकी एक आहे. हॉलिवूड असो किंवा बॉलिवूड प्रत्येक कलाकाराला हा पुरस्कार मिळविण्याची इच्छा असते. परंतु टायटॅनिक फेम अभिनेत्री केट विंसलेट ही ऑस्कर ट्रॉफी स्वत:च्या बाथरुममध्ये ठेवते. यामागील कारण देखील तितकेच अजब आहे. मी मला प्राप्त ऑस्करची ट्रॉफी बाथरुमध्ये ठेवते, कारण जेव्हा कुणी बाथरुमचा वापर करत असते, तेव्हा तो वास्तवात ऑस्करसोबत आरशासमोर स्वत:चा वेळ घालवू शकतो असे केटचे सांगणे आहे. ही ट्रॉफी प्रत्येकाने उचलावी अशी माझी इच्छा आहे. बाथरुममधून बाहेर पडलेल्या प्रत्येक व्यक्तीने ही ट्रॉफी स्वत:च्या हातात घेतलेली असते, हे त्यांच्या चेहऱ्याकडे बघितल्यावरच स्पष्ट होते असे केटने म्हटले आहे. केटला 1995 मध्ये प्रदर्शित झालेल्या ‘सेंस अॅड सेंसिबिलिटी’ चित्रपटासाठी ऑस्कर मिळाला होता. हा तिच्या कारकीर्दीतील पहिला आणि एकमात्र ऑस्कर पुरस्कार आहे. केट आगामी काळात ‘द रिजिम’ नावाच्या मिनी-सीरिजमध्ये दिसून येणार आहे. यात ती एका कार्यकारी निर्मात्याच्या भूमिकेत देखील आहे.