ली मिलरच्या व्यक्तिरेखेत केट

दमदार अभिनय पाहता येणार

हॉलिवूडची प्रख्यात अभिनेत्री केट विंसलेट पुन्हा एकदा प्रेक्षकांना मंत्रमुग्ध करणार आहे. तिचा नवा चित्रपट ‘ली’चा ट्रेलर प्रदर्शित झाला आहे. या चित्रपटात केटने युद्ध पत्रकार ली मिलरची भूमिका साकारली आहे. ट्रेलरमध्ये केटचा जबरदस्त अभिनय आणि युद्धभूमीवरील मिलरचा संघर्ष पाहता येणार आहे.

नाझींच्या विरोधात एक साहसी पत्रकाराच्या स्वरुपात स्वत:चे कर्तव्य पूर्ण करण्यासाठी ली मिलर यांना ओळखले जाते. या चित्रपटात दुसऱ्या महायुद्धातील अनेक भयावह दृश्य दाखवियणत आली असून यात ली मिलर यांचा संघर्षपूर्ण प्रवास अत्यंत वास्तविक आणि मार्मिग पद्धतीने सादर करण्यात आला आहे. केट विंसलेटने ली मिलर यांची व्यक्तिरेखा उत्तमप्रकारे साकारली आहे. तिची देहबोली, चेहऱ्यावरील हावभाव आणि संवादफेक सर्वकाही प्रेक्षकांना खिळवून ठेवणारे आहे.

ली मिलर एक प्रसिद्ध अमेरिकन छायाचित्रकार आणि युद्धपत्रकार होत्या, त्यांनी दुसऱ्या महायुद्धादरम्यान नाझी यातना शिबिर आणि युद्धभूमीची छायाचित्रे काढली होती. त्यांनी स्वत:चे जीवन आणि कारकीर्दीत अनेक आव्हानांना तोंड देत स्वत:ची दृढता आणि साहसाद्वारे उदाहरण प्रस्थापित केले होते. ली हा चित्रपट 13 सप्टेंबर रोजी प्रदर्शित होणार आहे.