काश्मिरी बुद्धिजीवींना आयएसआयची धमकी

वृत्तसंस्था/ इस्लामाबाद

पाकिस्तान 5 फेब्रुवारी रोजी तथाकथित ‘काश्मीर एकता दिन’ म्हणून वार्षिक प्रचार मोहीम सुरू करण्याची तयारी करत आहे. याचदरम्यान, जागतिक व्यासपीठांवर इस्लामाबाद-पुरस्कृत दहशतवादाचा सातत्याने पर्दाफाश करणाऱ्या काश्मिरी बुद्धिजीवींना ‘आयएसआय’कडून ठार मारण्याची धमकी देण्यात आली आहे. काश्मिरी बुद्धिजीवींमुळे निराश होऊन युरोपियन फाउंडेशन फॉर साउथ एशियन स्टडीजचे (ईएफएसएएस) संचालक आणि प्रसिद्ध दहशतवादविरोधी तज्ञ जुनैद कुरेशी यांना लष्कर-ए-तोयबाने आपल्या प्रॉक्सी संघटना, द रेझिस्टन्स फ्रंटद्वारे (टीआरएफ) ठार मारण्याची धमकी दिली आहे. ही धमकी टीआरएफ नावाच्या एंड-टू-एंड एक्रिप्टेड मेसेजिंग प्लॅटफॉर्मद्वारे पाठवण्यात आली होती. या संदेशात कुरेशीला ‘देशद्रोही’ असे संबोधले जाते. गेल्या सहा महिन्यांत जुनैदला मिळालेली ही दुसरी धमकी आहे.