एक्स सर्व्हिसमनतर्फे कारगिल विजयदिन

बेळगाव : दि एक्स सर्व्हिसमन असोसिएशनतर्फे कुमार गंधर्व रंगमंदिर येथे कारगिल विजयदिन साजरा करण्यात आला. प्रमुख पाहुण्या म्हणून डॉ. सोनाली सरनोबत उपस्थित होत्या. प्रारंभी दोन मिनिटे मौन पाळून युद्धातील शहिदांना श्रद्धांजली वाहण्यात आली. त्यानंतर पाहुण्यांच्या हस्ते भारतमातेच्या प्रतिमेला पुष्पहार अर्पण करण्यात आला. यावेळी डॉ. सोनाली सरनोबत यांनी देशरक्षणात सैनिकांची भूमिका महत्त्वाची असल्याने आपल्या नियती फौंडेशनतर्फे प्रामुख्याने सैनिकांच्या मुलांसाठी साहाय्य केले जात असल्याचे सांगितले. याप्रसंगी मंगला मेटगुड, जगदीश पुजेर, माजी न्यायाधीश अरळी नागराज, विनयकुमार बाळेकाई, मंगल मठद, सफला नागरत्ना व वीणा विजापुरे आदी उपस्थित होते. पाहुण्यांच्या भाषणानंतर कारगिलमधील सैनिकांनी दाखवलेले शौर्य, त्यांचा त्याग आणि निष्ठा याचे प्रत्यंतर देणारे सांस्कृतिक कार्यक्रम झाले.