कपिलदेवकडून प्रणवी अर्सचे कौतुक

वृत्तसंस्था, नवी दिल्ली

जपानमध्ये सुरु असलेल्या आशियाई क्रीडा स्पर्धेत गोल्फ या क्रीडा प्रकारात भारताची महिला गोल्फपटू प्रणवी अर्सने सुवर्णपदक मिळवून नवा इतिहास घडविला. तसेच या स्पर्धेत भारताच्या महिला गोल्फ संघाने सांघिक प्रकारात रौप्यपदक मिळविले. अखिल भारतीय व्यवसायिक गोल्फ टूर संघटनेचे अध्यक्ष तसेच भारताचे माजी कर्णधार कपिलदेव यांनी प्रणवी अर्स, आदिती अशोक, दिक्षा डागर यांच्या कामगिरीचे कौतुक केले आहे.

23 वर्षीय म्हैसूरच्या प्रणवी अर्सने आशियाई क्रीडा स्पर्धेच्या इतिहासात गोल्फ क्रीडा प्रकारात वैयक्तीक सुवर्णपदक मिळविणारी पहिली भारतीय महिला गोल्फपटू ठरली आहे. तिने अंतिम सामन्यात चीनच्या रुओनिंगचा पराभव केला. 2002 साली आशियाई क्रीडा स्पर्धेत पुरुष विभागात भारताच्या शिवकपूरने सुवर्णपदक मिळविण्याचा पराक्रम केला होता. जपानमधील आशियाई स्पर्धेत महिलांच्या सांघिक गोल्फ प्रकारामध्ये चीनने सुवर्णपदक तर भारताने रौप्यपदक मिळविले आहे.