‘कांतारा : चॅप्टर 1’ पुढील वर्षी झळकणार

प्रदर्शनाची तारीख जाहीर

अभिनेता ऋषभ शेट्टीचा बहुप्रतीक्षित चित्रपट ‘कांतारा : चॅप्टर 1 च्या प्रदर्शनाची तारीख निर्मात्यांनी जाहीर केली आहे. कांतारा चित्रपटाच्या यशानंतर आता होम्बले फिल्म जगभरातील प्रेक्षकांना कांतारा चॅप्टर 1 द्वारे आकर्षित करण्याच्या तयारीत आहे.

हा चित्रपट 2 ऑक्टोबर 2025 रोजी प्रदर्शित केला जाणार आहे. या चित्रपटातील मुख्य कलाकार ऋषभ शेट्टीने व्यक्तिरेखेसाठी प्रचंड मेहनत घेतली आहे. कांतारा चित्रपटाच्या जबरदस्त कहाणीला जगभरातील लोकांनी पसंत केले होते.

होम्बले फिल्म्सला वास्तवाशी जवळीक साधणाऱ्या चित्रपटांसाठी ओळखले जाते. या मोठ्या प्रोजेक्टचे दिग्दर्शक आणि अभिनेता ऋषत्र शेट्टीने स्वत:ची व्यक्तिरेखा प्रभावीपणे साकारण्यासाठी केरळमधील सर्वात जुन्या मार्शल आर्टपैकी एक कलारीपयट्टू शिकली आहे. अभिनेता आता कांतारा चॅप्टर 1 मध्ये अत्यंत वेगळ्या शैलीत दिसून येणार आहे.