कल्याणी आंबोळकरचा सत्कार

वार्ताहर/किणये 

वाघवडे गावची कन्या कल्याणी सोमनाथ आंबोळकर हिने नुकत्याच झालेल्या जिल्हास्तरीय महिला कुस्ती स्पर्धेत 69 किलो वजन गटांमध्ये प्रथम क्रमांक  मिळविला. यामुळे तिची राज्यपातळीवरील महिला कुस्ती स्पर्धेसाठी निवड झाली आहे. तिचा वाघवडे गावातील सिद्धिविनायक मंडळाच्या वतीने सत्कार करण्यात आला. कल्याणी ही एम. व्ही हेरवाडकर शाळेची विद्यार्थिनी असून बालिका आदर्श कुस्ती संकुलनात सराव करते. कुस्ती कोच माऊती घाडी यांचे तिला मार्गदर्शन लाभत आहेत. मान्यवरांनी  कल्याणी हिने महिला कुस्तीमध्ये गावचे नाव उज्ज्वल केले असल्याचे सांगितले. तसेच तिला राज्य पातळीवरील कुस्ती स्पर्धेसाठी शुभेच्छा दिल्या. यावेळी बबन कुपुटकर, बाळू बेळगावकर, जोतिबा केन्नुरकर, तुषार आंबोळकर, कल्लाप्पा शहापूरकर, मनोहर कालमणकर, रवी डोंगरे, सुशीला लोहार, लक्ष्मी कुपुटकर, कल्लाप्पा पाटील आदींसह मंडळाचे कार्यकर्ते व ग्रामस्थ उपस्थित होते.