‘फ्राइडे नाइट प्लॅन’मध्ये जुहीची एंट्री

वेबसीरिजच्या चित्रिकरणास प्रारंभ

फरहान अख्तरची आगामी वेबसीरिज ‘फ्राइडे नाइट प्लॅन’मध्ये प्रसिद्ध अभिनेत्री जूही चावलाची वर्णी लागली आहे. वेबसीरिजमध्ये सामील झाल्याची माहिती जूहीने  सोशल मीडियावर दिली आहे. वत्सल नीलकांतन यांच्याकडून दिग्दर्शित या सीरिजमध्ये बाबिल खान देखील दिसून येणार आहे. एक्सेल एंटरटेनमेंटच्या बॅनर अंतर्गत निर्माण होत असलेल्या या वेबसीरिजचे चित्रिकरण यापूर्वीच सुरू झाले आहे.

जूही चावलाने दीर्घ काळानंतर प्रदर्शित झालेल्या ऋषी कपूर यांच्या ‘शर्मा जी नमकीन’ या चित्रपटात यापूर्वी दिसून आली होती. जूहीने 1986 मध्ये ‘सल्तनत’ चित्रपटातून अभिनयाची कारकीर्द सुरू केली होती. परंतु तिला खरी ओळख 1988मध्ये प्रदर्शित ‘कयामत से कयामत तक’ या चित्रपटामुळे मिळाली होती. या चित्रपटात तिने आमिर खानसोबत मुख्य भूमिका साकारली होती. त्यानंतर जूहीने कधीच मागे वळून पाहिले नाही. स्वर्ग, प्रतिबंध, बोल राधा बोल, राजू बन गया जेंटलमॅन, लुटेरे, हम है राही प्यार के यासारख्या चित्रपटांमध्ये तिने काम केले होते.