जिओ फायनान्सची जर्मन कपंनीसोबत हातमिळवणी

संयुक्तपणे नवा व्यवसाय सुरु करणार

मुंबई :

जिओ फायनान्शियल सर्व्हिसेस आणि जर्मनीची लोकप्रिय विमा कंपनी अलियान्झ भारतात एकत्र येऊन एक नवीन व्यवसाय सुरू करणार आहेत. दोन्ही कंपन्या विलीन होऊन अलायन्स जिओ रीइन्शुरन्स लिमिटेड नावाची एक नवीन कंपनी स्थापन करणार आहेत. या कंपनीचे काम थोडे खास आहे- ते सामान्य लोकांना नाही तर विमा कंपन्यांना विमा पुरवण्याचे काम करेल. याला पुनर्विमा म्हणतात. या नवीन भागीदारीत जिओ फायनान्शियल आणि अलियान्झ दोघांचीही समान हिस्सेदारी (50-50 टक्के) असेल. चांगली गोष्ट म्हणजे हे काम सुरू करण्यासाठी विमा नियामक प्राधिकरण (आयआरडीएआय) कडून आवश्यक मंजुरी देखील मिळाली आहे.