Sangli News : डफळापुरात गांजा लागवड : दीड लाखांचा मुद्देमाल जप्त, एक ताब्यात 

जत : डफळापूर (ता. जत) येथे घराच्या भिंतीच्या आडोशाला अवैधरित्या गांजाची लागवड केलेल्या ठिकाणी छापा टाकून ७ किलो ८९७ग्रॅम गांजा हस्तगत केला आहे. या गांजाची किंमत १ लाख ५७ हजार ९४० रुपयांचा होत असून याप्रकरणी बन्सीलाल श्रीपती वाघमारे (वय ६१) यांच्यावर गुंगीकारक औषधी द्रव्य आणि मनो व्यापारावर परिणाम करणारे पदार्थ अधिनियमननुसार गुन्हा दाखल केला आहे. ही कारवाई गुरुवारी सायंकाळी पाच वाजण्याच्या सुमारास केली आहे पोलिसांनी संशियत आरोपी वाघमारे यास अटक केली आहे.