‘परम सुंदरी’मध्ये जान्हवी कपूर

सिद्धार्थ मल्होत्रासोबत जमणार जोडी

मॅडॉक फिल्म्सचे निर्माते दिनेश विजन यांनी एका चित्रपटासाठी सिद्धार्थ मल्होत्रा आणि जान्हवी कपूर यांची निवड केली आहे. तुषार जलोटा हे या चित्रपटाचे दिग्दर्शन करणार आहेत. हा चित्रपट रोमँटिक अन् कॉमेडी धाटणीचा असणार आहे. सिद्धार्थ आणि जान्हवीच्या या चित्रपटाचे नाव ‘परम सुंदरी’ निश्चित करण्यात आले आहे.

या चित्रपटाच्या कहाणीला जान्हवीने होकार दर्शविला आहे. या चित्रपटाच्या निर्मितीला अद्याप सुरुवात झालेली नाही. परंतु चित्रपट कौटुंबिक-रोमँटिक तसेच कॉमेडीच्या धाटणीचा असणार आहे. याचे चित्रिकरण डिसेंबर महिन्यात सुरू होणार असल्याचे समजते.

सिद्धार्थ यापूर्वी दिशा पाटनी आणि राशि खन्नासोबत ‘योद्धा’ चित्रपटात दिसून आला होता. अभिनेता याचबरोबर रोहित शेट्टीची वेबसीरिज ‘इंडियन पुलिस फोर्स’मध्ये मुख्य भूमिकेत होता. दुसरीकडे जान्हवीने अलिकडेच ज्युनियर एनटीआरसोबत ‘देवरा पार्ट वन’मध्ये काम केले आहे. ‘सनी संस्कारी की तुलसी कुमारी’ या चित्रपटाचे चित्रिकरण पूर्ण केल्यावर जान्हवी ही परम सुंदरी या चित्रपटाच्या टीममध्ये सामील होणार आहे.